အချစ်ရေးရေရှည်တည်မြဲဖို့ဆိုရင် နှစ်ဦးနှစ်ဖက် ထိန်းသိမ်းရမယ့်အပိုင်းလေးတွေ ရှိပါတယ်။ သင်က အမျိုးသားတစ်ယောက်ဖြစ်ပြီး ဒီအချစ်ရေးကို အဆုံးထိခိုင်မြဲချင်တဲ့သူဆိုရင် သင့်ချစ်သူကောင်မလေးအတွက် သင့်ဘက်က လုပ်ဆောင်ပေးရမယ့်အရာလေးတွေ ရှိပါတယ်။
လူတိုင်းဟာ ချီးမွမ်းပြောဆိုတာ ခံချင်တတ်ကြတာချည်းပါပဲ။ ပြီးတော့ သူဟာ သင့်ဘဝမှာ မရှိမဖြစ်အရေးပါတဲ့သူတစ်ယောက်ဆိုတာကိုလည်း သင်ပြောတာမျိုး ခံချင်မှာပါ။ အဲ့ဒီအချက်ကလေးတွေပေါ်မူတည်ပြီး သင့်ချစ်သူကောင်မလေးကို နေ့တိုင်းပြောဆိုပေးရမယ့် အရာလေးတွေ ပြောပြပေးချင်ပါတယ်။
၁။ ကိုယ်မင်းကိုချစ်တယ်။
ဒီစကားကရိုးလွန်းတယ်လို့ ထင်ရပေမယ့် သင်တို့နှစ်ဦးအတွက် တကယ်ကို လိုအပ်ပါတယ်။ သင်အလုပ်မသွားခင်၊ ဒါမှမဟုတ် မနက်ပိုင်း ချစ်သူဆီဖုန်းဆက်တဲ့အခါ ၊ ညဘက်အိပ်ခါနီးဖုန်းဆက်တဲ့အခါတွေမှာ ဖုန်းချခါနီးတိုင်း သင့်ကောင်မလေးကို ချစ်တယ်ဆိုတဲ့ စကားလေး မပျက်မကွက်ပြောပါ။
၂။ မင်းက အရမ်းကို လှပတဲ့ မိန်းကလေးပါ။
တစ်ခါတစ်လေမှာ အမျိုးသားတွေရော၊ အမျိုးသမီးတွေပါ တစ်ယောက်ကိုတစ်ယောက် ယုံကြည်မှုမြှင့်တင်ပေးနိုင်တဲ့အရာတွေ ရှိနေပါတယ်။ ဒီတော့ ကိုယ်ချစ်ရတဲ့အမျိုးသမီးကို ဘယ်လောက်လှကြောင်း၊ ဘယ်လိုကြည့်ကောင်းကြောင်းပြောပေးတာကလည်း သူ့စိတ်ခံစားမှုကောင်းမွန်စေဖို့၊ ကိုယ့်ကိုကိုယ် ယုံကြည်မှုတိုးစေဖို့အတွက် များစွာ အထောက်အကူဖြစ်စေပါတယ်။ သူမ ဘယ်လောက်လှကြောင်းမကြာခဏပြောပေးပါ။
၃။ မင်းကြောင့် ငါဟာ ပိုတော်၊ ပိုထက်မြက်တဲ့သူ ဖြစ်လာပြီ။
သင့်ချစ်သူကောင်မလေးက သင့်အိပ်မက်တွေ အကောင်အထည်ဖော်ရာမှာ အမြဲအားပေးတတ်တဲ့သူတစ်ဦးဆိုရင် သူ့ကြောင့် သင်ခုလို ဖြစ်လာတာဆိုတဲ့ စကားမျိုးလေး ပြောပေးပါ။ သူ့ကြောင့် သင်ဒီလိုပြောင်းလဲသွားခဲ့ပြီဆိုတာလေးလည်း ပြောပေးပါ။
၄။ မင်းက ကိုယ့်သူငယ်ချင်းကောင်းလည်း ဖြစ်တယ်။
သူဟာ သင့်ဘဝလက်တွဲဖော်ဆိုလည်း ဟုတ်တယ်။ သူငယ်ချင်းကောင်းဆိုလည်း ဟုတ်တယ်ဆိုတဲ့အကြောင်း သူသိအောင် ပြောပါ။ ဒီအချက်ကလည်း သူမနဲ့အတူရှိတာဟာ အခြားသူတွေနဲ့အတူရှိခြင်းထက် ပိုအဓိပ္ပါယ်ရှိတယ်ဆိုတာ သိစေခြင်းပါပဲ။
၅။ မင်းလုပ်ဆောင်တာ အရမ်းတော်တယ်။
သူမ အလုပ်တစ်ခုခု လုပ်တဲ့အခါ ပြီးမြောက်သွားတိုင်း သူမလုပ်ဆောင်တာ ဘယ်လောက်တော်ကြောင်း ချီးမွမ်းပေးခြင်းကလည်း သူမကို စိတ်အားတက်သွားစေဖို့ကူညီပေးခြင်းပါပဲ။
၆။ မင်းပြောတာ ကိုယ်နားထောင်နေပါတယ်။
ခုခေတ်မှာ လူတိုင်းဟာ ကိုယ်ပိုင်အားလပ်ချိန်ဆိုတာကို မနည်းကို ရှာဖွေနေရတဲ့အထိ အလုပ်တွေရှုပ်နေကြပါပြီ။ ဖုန်းတွေတကိုင်ကိုင်နဲ့ ကိုယ့်ချစ်သူနဲ့ရှိနေချိန်တွေတောင် ကိုယ့်ချစ်သူထက် ဖုန်း screen ကိုသာ ပိုကြည့်နေတတ်ကြတဲ့ဒီခေတ်မှာ သင်ဟာ သူပြောတဲ့စကားကို သူမျက်နှာလေးကြည့် သေချာနားထောင်ပေးနိုင်ရုံနဲ့တင် သူသင့်ကို ကျေးဇူးတင်နေပါလိမ့်မယ်။
၇။ ကိုယ်မင်းကို လေးစားမိတယ်။
သင်ဟာ သူမပြောတဲ့အရာရာတိုင်းကို သဘောတူချင်မှ တူပါလိမ့်မယ်။ သူမလုပ်ဆောင်တဲ့အရာရာတိုင်းကိုလည်း သဘောကျချင်မှကျပါလိမ့်မယ်။ ဒါပေမယ့် သူမရဲ့ အတွေးအခေါ်နဲ့ အမြင်တွေဟာသူများတွေနဲ့တော့ တူချင်မှ တူမှာပေါ့။ ဒါကိုလက်ခံပြီး သူမကို လုပ်ဆောင်တဲ့အရာတွေ၊ ရွေးချယ်မှုတွေကို လေးစားကြောင်း ပြောပါ။
၈။ ကိုယ် မင်းကို ကျေးဇူးတင်ပါတယ်။
ဒီအချက်ကလည်း အရေးကြီးတဲ့ အချက်ပါပဲ။ သူမဟာ သင်နေမကောင်းတဲ့အချိန် သင့်ကို စိတ်ပူပေးတယ်။ သင့်ဘေးမှာရှိနေပေးတယ်။ သင်ပျော်တဲ့အခါ အတူလိုက်ပျော်ပေးတယ်။ သင်ဝမ်းနည်းတဲ့အခါ သင့်ကိုနှစ်သိမ့်ပေးတယ်။ သင်ဘာတွေ ဖြစ်နေဖြစ်နေ သင့်ဘေးက ထွက်မသွားပဲ အခက်အခဲတိုင်းကို သင်နဲ့အတူရင်ဆိုင်ပေးတယ်ဆိုရင် သင်ဟာ သူမကို ကျေးဇူးတင်တဲ့စကား ပြောသင့်ပါတယ်။ ဒါပေမယ့် ကိုယ့်ကိုတစ်ခုခု လုပ်ပေးမှ ပြောရမှာမျိုး မဟုတ်ပဲ နေ့စဉ်နေ့တိုင်း သူသင့်ဘေးနားရှိပေးတဲ့အတွက် ကျေးဇူးတင်စကားပြောရမှာပါ။
Be the first to comment